Gaindegiak Euskal Herriari buruzko datu sozioekonomikoak jarraitzeko perfila ireki berri du twitterren: @gaindegia_data.
Perfil honek, batetik, Gaindegiak martxan dituen plataformei jarraipena egingo die, alegia, Atlasa.net eta Euskalgeo.net atariei eta etorkizun laburrean baita datuak.net plataformari; bestalde, Euskal Herriko ekonomia eta gizarte garapenerako behategia garen aldetik, Euskal Herriko datu sozioekonomikoak gaurkotzen diren heinean (langabezia datuak, demografia…) horien berri ere emango dugu perfil honen bitartez.
Informazio iturri berri honek datuekin lan egiten duten profesional ororen esku jarri nahi ditu Gaindegiak ekoizten dituen datuak, betiere Euskal Herria bere osotasunean aintzat hartzen dutenak, modu erraz eta dinamikoan.
Perfila ikusteko edota jarraitzeko: @gaindegia_data
